ഡ്രഗ്‌സിനെതിരേ ശക്തമായി പ്രതികരിക്കേണ്ടിയിരിക്കുന്നു
മലയാള സിനിമയില്‍ അനാരോഗ്യകരമായ പുതിയ പലപ്രവണതകളും കടന്നു കൂടിയിട്ടുണ്ട്. വര്‍ഷങ്ങളുടെ അനുഭവസമ്പത്തുള്ള നിര്‍മ്മാതാവിനും സംവിധായകര്‍ക്കും സാങ്കേതികവിദഗ്ധര്‍ക്കും പുതുതലമുറ ഉണ്ടാക്കുന്ന തലവേദന ചില്ലറയല്ല. ഇത്തരം പ്രവണതകള്‍ക്കെതിരേ നിരവധി സിനിമാ പ്രവര്‍ത്തകര്‍ രംഗത്തുവന്നിട്ടുണ്ട്. കാമറാമാന്‍ ഉത്പല്‍ വി നായനാര്‍ക്കും ഈ അനുഭവങ്ങള്‍ തന്നെയാണ് പങ്കുവയ്ക്കാനുള്ളത്.
ഉത്പല്‍ വി. നായനാര്‍ പറയുന്നു.
പുതിയ തലമുറയിലെ നടന്‍മാര്‍ കാണിക്കുന്ന പരിപാടികള്‍ സഹിക്കില്ല. കാരവാന്‍ വേണമെന്ന് ആവശ്യപ്പെടുകയൊക്കെ ഇവിടെ പതിവാണ്. ഷൂട്ടിങ്ങിനിടെ മറ്റു പരിപാടികള്‍ക്കൊക്കെ ഇവര്‍ പോകും. കാരവാനില്‍ കയറിക്കഴിഞ്ഞാല്‍ ഇറങ്ങിവരാതിരിക്കുക, ചീട്ടുകളിക്കുക, സംവിധായകന് വിളിക്കുമ്പോള്‍ ഇപ്പോള്‍ വരാം എന്നുപറഞ്ഞിരിക്കുക ഇതൊക്കെ പുതുതലമുറ നടന്‍മാരുടെ ശീലങ്ങളാണ്. കാശുപോകുന്നത് പ്രൊഡ്യൂസറുടേതാണ്. അതിനു പിന്നില്‍ ഒരു നൂറ് ആള്‍ക്കാര്‍ പണിയെടുക്കുന്നുണ്ട്്. അതുകാണണം അവര്. മനസില്‍ ഇതൊക്കെ കണ്ടാല്‍ നമ്മള്‍ തീര്‍ച്ചയായും സംവിധായകരുമായി സഹകരിക്കും.
സാധാരണ ഒരു ചിത്രമാണെങ്കില്‍ കാമറാമാന്‍ ഉള്‍പ്പെടെയുള്ള സാങ്കേതിക വിദഗ്ധരും അഡ്ജസ്റ്റ് ചെയ്യാന്‍ തയാറാകണം. നിര്‍മ്മാതാവിന് എന്താണു വേണ്ടത് അതനുസരിച്ചു പ്രവര്‍ത്തിക്കാന്‍ തയാറാകണം.
സിനിമയില്‍ ഏറ്റവും വലിയ സ്ഥാനം നിര്‍മ്മാതാവിനു തന്നെയാണ്. അദ്ദേഹം ഇറങ്ങിക്കഴിഞ്ഞേ ബാക്കിയെല്ലാവരും വരികയുള്ളു. പിന്നീടേ സംവിധായകനും നടന്‍മാര്‍ക്കുമൊക്കെ സ്ഥാനമുള്ളു. സിനിമാ മേഖലയില്‍ മാത്രമല്ല എല്ലായിടങ്ങളിലും വളരെ െചറിയ കുട്ടികള്‍ വരെ ഡ്രഗ്‌സുപയോഗിക്കുന്നു. അതിനെതിരേ ശക്തമായി പ്രതിരിക്കേണ്ടതുണ്ട്.
കൂടുതല്‍ കാണാന്‍ യൂട്യൂബ് ലിങ്കില്‍ ക്ലിക്ക് ചെയ്യുക..
