സിനിമയിലെ പ്രശസ്ത കോസ്റ്റ്യൂം ഡിസൈനർ ആണ് സൂര്യ ശ്രീകുമാർ. തുടക്കകാലത്ത് മമ്മൂട്ടിക്കൊപ്പം നിരവധി ചിത്രങ്ങളിൽ അദ്ദേഹം പ്രവർത്തിച്ചിട്ടുണ്ട്. മമ്മൂട്ടിയെ കുറിച്ച് ചില ഞെട്ടിക്കുന്ന വെളിപ്പെടുത്തലുകൾ നടത്തുകയാണ് സൂര്യ ശ്രീകുമാർ.
യവനികയാണ് സൂര്യ ശ്രീകുമാർ മമ്മൂട്ടിക്കൊപ്പം ആദ്യം ചെയ്ത ചിത്രം. സന്ദർഭം എന്ന സിനിമ ആയപ്പോഴേക്കും മമ്മൂട്ടി ആളാകെ മാറിയെന്ന് സൂര്യ ശ്രീകുമാർ ഓർക്കുന്നു.
തുടക്കക്കാലത്ത് എല്ലാവരോടും വളരെ സ്നേഹപൂർവ്വം പെരുമാറിയിരുന്ന നടനാണ് മമ്മൂട്ടി.ഭക്ഷണം കഴിക്കുമ്പോൾ അതിൽനിന്ന് എടുത്തു കഴിച്ച് കുശലം പറഞ്ഞു വരെ പോയിട്ടുണ്ട്. എന്നാൽ ന്യൂഡൽഹി ആയതോടെ അദ്ദേഹം സൂപ്പർസ്റ്റാർ ആയി. സ്വഭാവത്തിൽ പല മാറ്റങ്ങളും വന്നു. ആരോടും പെട്ടെന്ന് ക്ഷുഭിതനാവുകയും ഇറക്കി വിടുകയും ഒക്കെ ചെയ്യുന്ന ആളാണ് മമ്മൂട്ടി എന്ന് ഇദ്ദേഹം പറയുന്നു.എന്നാൽ അല്പം കഴിഞ്ഞ് തിരികെ വിളിക്കാനും മടിയില്ല.
അരയന്നങ്ങളുടെ വീട് എന്ന ലോഹിതദാസ് ചിത്രത്തിൽ പ്രവർത്തിക്കുമ്പോൾ മമ്മൂട്ടിയുമായി മുഷിച്ചിലുണ്ടായി. ബിന്ദു പണിക്കരുടെയും ലക്ഷ്മി ഗോപാലസ്വാമിയുടെയും ഒക്കെ കോസ്റ്റ്യൂംസ് കാണണമെന്ന് മമ്മൂട്ടി വാശിപിടിച്ചതിനാലാണത്. ചില വസ്ത്രങ്ങൾ അവർക്ക് കൊടുക്കരുതെന്ന് മമ്മൂട്ടി നിർദ്ദേശിച്ചു. കൊടുത്താൽ വൈകിട്ട് തന്നെ ഇവിടെനിന്ന് മടങ്ങേണ്ടി വരുമെന്നും പറഞ്ഞു. പക്ഷേ താൻ അത് അനുസരിച്ചില്ല. ആരാണ് വസ്ത്രം എടുത്തു തന്നത് എന്ന് ബിന്ദു പണിക്കരോട് ചോദിച്ച മമ്മൂട്ടി തന്നെ ഒന്ന് രൂക്ഷമായി നോക്കിയെങ്കിലും പിന്നീട് അക്കാര്യം വിട്ടതായി ശ്രീകുമാർ പറയുന്നു.ഒപ്പം അഭിനയിക്കുന്നവർ തന്നെക്കാൾ നല്ല വസ്ത്രം ധരിക്കുന്നത് മമ്മൂട്ടിക്ക് ഇഷ്ടമല്ല.
കോസ്റ്റ്യൂം ഡിസൈനർ പോലും അത്തരത്തിൽ വസ്ത്രം ധരിക്കാൻ പാടില്ല. മഹി എന്ന ഒരു കോസ്റ്റ്യൂം ഡിസൈനറെ ഇക്കാരണത്താൽ മമ്മൂട്ടി സിനിമയിൽ നിന്ന് പുറത്താക്കിയിട്ടുണ്ട്.യഥാർത്ഥത്തിൽ മമ്മൂട്ടി നല്ല മനുഷ്യനാണ്. പക്ഷേ പെട്ടെന്ന് അദ്ദേഹം പ്രതികരിച്ചു കളയും.
പിന്നെ ആളുകൾ വലിയവരാകുമ്പോൾ നമ്മൾ സ്വയം ഒഴിഞ്ഞു നിൽക്കണമല്ലോ എന്നും ശ്രീകുമാർ പറഞ്ഞുവയ്ക്കുന്നു …
വീഡിയോ കാണാനായി ലിങ്ക് ക്ലിക്ക് ചെയ്യൂ
